Azərbaycan Türkiyədən sementin idxalına çəkdiyi xərci 16 % artırıb

Bu ilin yanvar-mart aylarında Azərbaycan Türkiyədən 13,234 milyon ABŞ dolları dəyərində sement, şüşə, keramika və torpaq məmulatları idxal edib.

“Report” Türkiyə İxracatçılar Məclisinə (TİM) istinadən xəbər verir ki, bu, ötən ilin eyni dövrü ilə müqayisədə 15,6 % çoxdur.

Təkcə martda isə Türkiyə Azərbaycana 4,121 milyon ABŞ dollarlıq sement, şüşə, keramika və torpaq məmulatları ixrac edib ki, bu da 1 il əvvələ nisbətən 0,4 % çoxdur.

I rübdə Türkiyənin sement, şüşə, keramika və torpaq məmulatları ixracının ümumi dəyəri illik müqayisədə 10,1 % azalaraq 1,164 milyard ABŞ dollarına, mart ayında isə 13,4 % azalaraq 0,36 milyard ABŞ dollarına düşüb.