Azərbaycan Türkiyədən sement idxalına çəkdiyi xərci 7 % artırıb

Bu ilin yanvar-noyabr aylarında Azərbaycan Türkiyədən 48,385 milyon ABŞ dolları dəyərində sement, şüşə, keramika və torpaq məmulatları idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 7,2 % çoxdur.

Təkcə noyabrda isə Türkiyə Azərbaycana 3,141 milyon dollarlıq sement, şüşə, keramika və torpaq məmulatları ixrac edib ki, bu da 1 il əvvələ nisbətən 17,4 % azdır.

11 ayda Türkiyənin sement, şüşə, keramika və torpaq məmulatları ixracının ümumi dəyəri illik müqayisədə 6,4 % azalaraq 3 milyard 973,829 milyon ABŞ dollarına düşüb, noyabrda isə 0,3 % artaraq 346,04 milyon ABŞ dollarına çatıb.