Azərbaycan Türkiyədən şabalıd alışını 6 dəfə artırıb

Bu ilin ilk iki ayında Azərbaycana xaricdən 758 min ABŞ dolları dəyərində 379,2 ton şabalıd (qabıqlı və qabığı təmizlənmiş) gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2023-cü ilin eyni dövrünün göstəricisindən dəyər ifadəsində 30,5 %, kəmiyyət olaraq – 34 % çoxdur.

Hesabat dövründə Azərbaycan Çindən 572 min ABŞ dolları dəyərində (bir il əvvəlki göstəricidən 58,4 % çoxdur) 286 ton (+60 %), Gürcüstandan 142,8 min ABŞ dolları dəyərində (-27 %) 71,66 ton (-28 %) və Türkiyədən 43 min ABŞ dolları dəyərində (+72 %) 21,5 ton (+6,3 dəfə) məhsul alıb.

2023-cü ildə Azərbaycana 3 ölkədən (Çin, Gürcüstan və Türkiyə) idxal edilmiş 1 min ton şabalıdın 59 %-i Çinin payına düşüb.