Azərbaycan Türkiyədən quru meyvə idxalına çəkdiyi xərci 5 % azaldıb

Bu ilin yanvar-may aylarında Azərbaycan Türkiyədən 2,354 milyon ABŞ dolları dəyərində quru meyvə və məhsulları idxal edib.

“Report” xəbər verir ki, bu barədə Türkiyə İxracatçılar Məclisi (TİM) məlumat yayıb.

Məlumata görə, bu, ötən ilin eyni dövrü ilə müqayisədə 5 % azdır.

Təkcə bu ilin may ayında isə Türkiyə Azərbaycana 0,366 milyon ABŞ dollarlıq quru meyvə və məhsulları ixrac edib ki, bu da, illik müqayisədə 2,5 dəfə çoxdur.

Bu ilin ilk 5 ayında Türkiyənin ümumi quru meyvə və məhsulları ixracının dəyəri illik müqayisədə 11,2 % artaraq 637 milyon ABŞ dollarına, may ayında isə quru meyvə və məhsulları ixracının dəyəri 8,9 % azalaraq 95,409 milyon ABŞ dollarına çatıb.