Azərbaycan Türkiyədən qara və əlvan metalların idxalına çəkidiryi xərci artırıb

Bu ilin yanvar ayında Azərbaycan Türkiyədən 8,616 milyon ABŞ dolları dəyərində qara və əlvan metalları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) statistik məlumatlarında qeyd olunub.

Bu, ötən ilin eyni dövrü ilə müqayisədə 4,7 % çoxdur.

Yanvar ayında Türkiyənin ümumi qara və əlvan metalları ixracının dəyəri illik müqayisədə 6,1 % azalaraq 1,051 milyard ABŞ dollarına çatıb.

Xatırladaq ki, 2022-ci ildə Azərbaycan Türkiyədən 131,727 milyon ABŞ dolları dəyərində qara və əlvan metalları idxal edib ki, bu da, illik müqayisədə 13,9 % çoxdur.