Azərbaycan Türkiyədən polad idxalına çəkdiyi xərci 25 % azaldıb

Bu ilin yanvar-iyul aylarında Azərbaycan Türkiyədən 52 milyon 532 min ABŞ dolları dəyərində polad idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 24,9 % azdır.

Təkcə iyulda isə Türkiyə Azərbaycana 7 milyon 798 min ABŞ dolları dəyərində polad ixrac edib ki, bu da 1 il əvvələ nisbətən 39,7 % azdır.

Türkiyənin 7 ayda polad ixracının ümumi dəyəri illik müqayisədə 12,3 % artaraq 9 milyard 346 milyon ABŞ dollarına, iyulda isə 23,9 % artaraq 1 milyard 420 milyon ABŞ dollarına çatıb.