Azərbaycan Türkiyədən metal idxalına çəkdiyi xərci 11 %-ə yaxın artırıb

Bu ilin yanvar-noyabr aylarında Azərbaycan Türkiyədən 130,51 milyon ABŞ dolları dəyərində qara və əlvan metal idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 10,6 % çoxdur.

Təkcə noyabrda isə Türkiyə Azərbaycana 12,093 milyon ABŞ dolları dəyərində qara və əlvan metal ixrac edib ki, bu da 1 il əvvələ nisbətən 3,3 % çoxdur.

11 ayda Türkiyənin qara və əlvan metal ixracının ümumi dəyəri illik müqayisədə 0,5 % azalaraq 11,463 milyard ABŞ dollarına düşüb, noyabrda isə 9 % artaraq 1,062 milyard ABŞ dollarına çatıb.