Azərbaycan Türkiyədən mədən sənayesi məhsullarının idxalına çəkdiyi xərci 80 % artırıb

Bu ilin yanvar-noyabr aylarında Azərbaycan Türkiyədən 13 milyon ABŞ dolları dəyərində mədən sənayesi məhsulları idxal edib.

“Report” xəbər verir ki, bu barədə Türkiyə İxracatçılar Məclisi (TİM) məlumat yayıb.

Məlumata görə, bu, ötən ilin eyni dövrünə nisbətən 80,2 % çoxdur.

Təkcə noyabr ayında isə Türkiyə Azərbaycana 1,6 milyon ABŞ dollarlıq dəyərində mədən sənayesi məhsulları ixrac edib ki, bu da illik müqayisədə 88,4 % çoxdur.

11 ay ərzində Türkiyənin mədən sənayesi məhsulları ixracının dəyəri 1 il əvvələ nisbətən 10,3 % artaraq 5 951 milyon dollara çatıb, noyabr ayında isə mədən sənayesi məhsulları ixracının dəyəri isə 7,1% azalaraq 509 milyon dollara düşüb.