Azərbaycan Türkiyədən mebel, kağız və meşə məhsullarının alışını artırıb

Bu ilin yanvar-noyabr aylarında Azərbaycan Türkiyədən 141,38 milyon ABŞ dolları dəyərində mebel, kağız və meşə məhsulları idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 4,3 % çoxdur.

Təkcə noyabrda isə Türkiyə Azərbaycana 12,9 milyon ABŞ dollarlı dəyərində mebel, kağız və meşə məhsulları ixrac edib ki, bu da 1 il əvvələ nisbətən 0,7 % azdır.

11 ayda Türkiyənin mebel, kağız və meşə məhsulları ixracının ümumi dəyəri illik müqayisədə 4,8 % azalaraq 7,31 milyard ABŞ dollarına, noyabrda isə 9,4 % azalaraq 690,426 milyon ABŞ dollarına düşüb.