Azərbaycan Türkiyədən kirəmit alışını 50 % artırıb

Bu ilin yanvar-avqust aylarında Azərbaycan xarici ölkələrdən 1,03 milyon ABŞ dolları dəyərində 1 milyon 47 min ədəd kirəmit (damüstü materiallar) idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 75 %, kəmiyyət olaraq – 47 % çoxdur.

Azərbaycan Türkiyədən 1 milyon ABŞ dolları dəyərində (bir il əvvəlki göstəricidən 80 % çoxdur) 1 milyon 38 min ədəd (+51 %), Serbiyadan 5,92 min ABŞ dolları dəyərində 1,47 min ədəd və İrandan 2,97 min ABŞ dolları dəyərində (-50 %) 7,42 min ədəd (-50 %) kirəmit alıb.

2022-ci ildə Azərbaycana (7 ölkədən) idxal edilmiş 1 milyon 28 min ədəd kirəmitin 94,3 %-i Türkiyənin payına düşüb.