Azərbaycan Türkiyədən kimyəvi maddələrin idxalına çəkdiyi xərci 4 % azaldıb

Bu ilin yanvar-noyabr aylarında Azərbaycan Türkiyədən 440,5 milyon ABŞ dolları dəyərində kimyəvi maddələr və məhsulları idxal edib.

“Report” xəbər verir ki, bu barədə Türkiyə İxracatçılar Məclisi (TİM) məlumat yayıb.

Məlumata görə, bu, ötən ilin eyni dövrünə nisbətən 4 % azdır.

Təkcə bu ilin noyabr ayında isə Türkiyə Azərbaycana 45,6 milyon dollarlıq kimyəvi maddələr və məhsulları ixrac edib ki, bu da illik müqayisədə 6 % çoxdur.

11 ay ərzində Türkiyənin kimyəvi maddələr və məhsulları ixracının dəyəri 1 il əvvələ nisbətən 34,2 % artaraq 30 716 milyon dollara, noyabr ayında isə kimyəvi maddələr və məhsulları ixracının dəyəri 9,9 % artaraq 2 604 milyon dollara çatıb.