Azərbaycan Türkiyədən geyim idxalına çəkdiyi xərci 45 % azaldıb

Bu ilin yanvar ayında Azərbaycan Türkiyədən 4,7 milyon ABŞ dollar dəyərində geyim məhsulları idxal edib.

“Report” bu barədə Türkiyə Ticarət Nazirliyinə istinadən xəbər verir.

Bu, ötən ilin eyni dövrünə nisbətən 45,4 % azdır. Türkiyənin Azərbaycana geyim məhsulları ixracı ümumi ixracının 3,2 %-ni təşkil edib.

Hesabat dövründə Türkiyənin ümumi geyim məhsulları ixracının dəyəri illik müqayisədə 12,4 % azalaraq 1,422 milyard ABŞ dollarına çatıb. Ötən ay Türkiyədən ən çox geyim məhsulları idxalını Almaniya (246 milyon ABŞ dolları; illik müqayisədə 18,9 % az), Hollandiya (166 milyon ABŞ dolları; illik müqayisədə 16,7 % çox), İspaniya (139,4 milyon ABŞ dollar; 20,4 % az) və Böyük Britaniya (113,6 milyon ABŞ dolları; 9,2 % az) həyata keçirib.