Azərbaycan Türkiyədən dəri tədarükünü 59 %-dək artırıb

Bu ilin yanvar-iyul aylarında Azərbaycan Türkiyədən 11,792 milyon ABŞ dolları dəyərində dəri və dəri məmulatları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, ötən ilin eyni dövrü ilə müqayisədə 58,7 % çoxdur.

Təkcə bu ilin iyul ayında isə Türkiyə Azərbaycana 0,956 milyon ABŞ dollarlıq dəri və dəri məmulatları ixrac edib ki, bu da, illik müqayisədə 2,1 dəfə çoxdur.

Bu ilin ilk 7 ayında Türkiyənin ümumi dəri və dəri məmulatları ixracının dəyəri illik müqayisədə 21 % artaraq 1,134 milyard ABŞ dollarına, iyun ayında isə - 8 % artaraq 0,156 milyard ABŞ dollarına çatıb.