Azərbaycan Türkiyədən dəri idxalına çəkdiyi xərci 31% artırıb

Bu ilin yanvar-noyabr aylarında Azərbaycan Türkiyədən 18,834 milyon ABŞ dolları dəyərində dəri və dəri məmulatları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, ötən ilin eyni dövrü ilə müqayisədə 30,6 % çoxdur.

Təkcə bu ilin noyabr ayında Türkiyə Azərbaycana 1,278 milyon ABŞ dollarlıq dəri və dəri məmulatları ixrac edib ki, bu da, illik müqayisədə 31 % çoxdur.

Bu ilin 11 ayında Türkiyənin ümumi dəri və dəri məmulatları ixracının dəyəri illik müqayisədə 19,2 % artaraq 1,876 milyard ABŞ dollarına, noyabr ayında isə 17 % artaraq 0,174 milyard ABŞ dollarına çatıb.