Azərbaycan Türkiyədən bu il 136 mln dollarlıq mebel və meşə məhsulları idxal edib

Bu ilin yanvar-noyabr aylarında Azərbaycan Türkiyədən 135,617 milyon ABŞ dolları dəyərində mebel, kağız və meşə məhsulları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, ötən ilin eyni dövrü ilə müqayisədə 5 % çoxdur.

Təkcə noyabr ayında isə Türkiyə Azərbaycana 12,994 milyon ABŞ dollarlıq dəyərində mebel, kağız və meşə məhsulları ixrac edib ki, bu da, illik müqayisədə 12,8 % çoxdur.

Bu ilin ilk 11 ayında Türkiyənin ümumi mebel, kağız və meşə məhsulları ixracının dəyəri illik müqayisədə 24 % artaraq 6,923 milyard ABŞ dollarına, noyabr ayında isə 14,8 % artaraq 0,705 milyard ABŞ dollarına çatıb.