Azərbaycan Türkiyədən badımcan alışını kəskin artırıb

Bu ilin yanvar-aprel aylarında Azərbaycana xarici ölkələrdən 2,9 milyon ABŞ dolları dəyərində 5 710 ton badımcan idxal edilib.

“Report”un Dövlət Statistika Komitəsinin məlumatları əsasında apardığı hesablamalara görə, bu, 2023-cü ilin eyni dövrünün göstəricisindən dəyər ifadəsində 36 %, kəmiyyət olaraq – 36 % çoxdur.

Hesabat dövründə Azərbaycan İrandan 2,8 milyon ABŞ dolları dəyərində (bir il əvvəlki göstəricidən 34 % çoxdur) 5 598 ton (+34 %) və Türkiyədən 56,28 min ABŞ dolları dəyərində (+6 dəfə) 112,46 ton (+6 dəfə) məhsul alıb.

2023-cü ildə Azərbaycana (İran və Türkiyədən) gətirilmiş 7 min 590 ton badımcanın 95 %-i İranın payına düşüb.