Azərbaycan Tümendən taxta idxalına görə dördüncü olub

Azərbaycan Rusiyanın Tümen vilayətindən taxta idxal edən ölkələr sırasında dördüncü olub.

"Report" bu barədə "Rosselxoznadzor"a istinadən xəbər verir.

Ümumilikdə Rusiyanın Baytarlıq və Fitosanitar Nəzarət üzrə Federal Xidmətinin ("Rosselxoznadzor") Tümen bölgəsi üzrə idarəsi, bu ilin iyun ayında Yamalo-Nenets və Xantı-Mansiysk dairələrindən 44,6 min kubmetr həcmində iynəyarpaqlı ağacların ixracına nəzarət edib. Bunun 16 min kubmetri sənaye ağacı, 28,6 min kubmetrini isə mişarlanmış taxta təşkil edib.

Bu ilin əvvəlindən bəri ümumilikdə 214,9 min kubmetr meşə ağacı və taxtanın daşınmasına nəzarət edilib. Bunlar, adi şam, sibir şamı, sidr, adi ladin təşkil edib.

Hesabat dövründə bu məhsulların əsas idxalçısı Çin (59,4 min kubmetr) olub. Onu Özbəkistan (88 min kubmetr), Qazaxıstan (42,6 min kubmetr), Azərbaycan (9,9 min kubmetr), İraq (3,9 min kubmetr) və Misir (3,8 min kubmetr) izləyib.

Məhsullar Federal Dövlət Büdcə Təşkilatı "Mərkəzi Elmi və Metodik Baytarlıq Laboratoriyası"nın Tümen Fitosanitar test laboratoriyasında yoxlanılıb.

Testin nəticələrinə əsasən, demək olarki zərərli orqanizmlər aşkar edilməyib. Məhsullar idxalçı ölkələrin fitosanitar tələblərinə uyğundur.