Azərbaycan Tatarıstanın süd məhsullarının əsas idxalçılarından biri olub

Azərbaycan ötən il Rusiyanın Tatarıstan bölgəsində istehsal edilmiş süd məhsullarının əsas idxalçılarından biri olub.

“Report” bu barədə xarici mətbuata istinadən xəbər verir.

Məlumata görə, il ərzində Tatarıstandan 8,6 milyon ABŞ dolları dəyərində süd məhsulları, o cümlədən 1,6 milyon dollarlıq pendir və kəsmik, 2,9 milyon dollarlıq dondurma, 1,3 milyon dollarlıq süd və qaymaq, 2,4 milyon dollarlıq kərə yağı, 0,2 milyon dollarlıq pendir suyu ixrac edilib. Məhsulların əsas alıcıları isə Azərbaycan, eləcə də Qazaxıstan, Özbəkistan, Sinqapur, Tacikistan, Monqolustan, Belarus və Serbiya olub.