Azərbaycan Rusiyaya pambıq ipliyinin satışını kəskin artırıb

Bu ilin yanvar-fevral aylarında Azərbaycandan xaricə 2,83 milyon ABŞ dolları dəyərində 1 119 ton pambıq iplik göndərilib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2024-cü ilin göstəricisi ilə müqayisədə dəyər ifadəsində 17 %, kəmiyyət olaraq – 18 % azdır.

Hesabat dövründə Azərbaycan Türkiyəyə 2,25 milyon ABŞ dolları dəyərində (bir il əvvəlki göstəricidən 31 % azdır) 859,54 ton (-34 %) və Rusiyaya 582 min ABŞ dolları dəyərində (+4 dəfə) 260 ton (+4,3 dəfə) məhsul satılıb.

2024-cü ildə Azərbaycandan ixrac edilmiş 11 min 548 ton pambıq ipliyinin 64,4 %-i Türkiyənin payına düşüb.