Azərbaycan Rusiyadan akkumulyator alışını 18 dəfə artırıb

Bu ilin yanvar ayında Azərbaycan 3,94 milyon ABŞ dolları dəyərində 195 min 942 ədəd akkumulyator idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2023-cü ilin eyni dövrünün göstəricisindən dəyər ifadəsində 19 % çoxdur, kəmiyyət olaraq – 39 % azdır.

Hesabat dövründə Azərbaycan Çindən 1,1 milyon ABŞ dolları dəyərində (1 il əvvəlki göstəricidən 2,3 dəfə çoxdur) 131 min 853 ədəd (-51 %), Türkiyədən 972 min ABŞ dolları dəyərində (+35 %) 21 min 166 ədəd (+29 %), Qazaxıstandan 601 min ABŞ dolları dəyərində (-18 %) 17 min 298 ədəd (-17 %), Rusiyadan 438 min ABŞ dolları dəyərində (+8 dəfə) 10 min ədəd (+18 dəfə), Ukraynadan 340 min ABŞ dolları dəyərində (+3,3 dəfə) 8 min 349 ədəd (+4 dəfə) məhsul alıb.

2023-cü ildə Azərbaycana idxal edilmiş 2,513 milyon ədəd akkumulyatorun 77,32 %-i Çinin payına düşüb.