Azərbaycan Novosibirskdən 21 ton dondurma alıb

Bu ilin aprel ayında Azərbaycan Rusiyanın Novosibirsk vilayətindən 8,52 ton dondurma idxal edib.

"Report" bu barədə Rusiyanın Baytarlıq və Fitosanitar Nəzarət üzrə Federal Xidmətinə ("Rosselxoznadzor") istinadən xəbər verir.

Bununla da, bu ilin əvvəlindən Azərbaycanın Novosibirskdən aldığı dondurmanın həcmi 21 tona çatıb. Dondurmaların etiketlərində Azərbaycan və rus dillərində məlumatlar əks olunub. Məhsulların ixracı Azərbaycanla razılaşdırılmış baytarlıq sertifikatı ilə həyata keçirilib.

Bundan başqa, apreldə Rusiyanın Tomsk vilayətindən Monqolustana 3,3 ton, Çinə 2,82 ton dondurma ixrac edilib ki, bununla da illin əvvəlindən ixracın həcmi müvafiq olaraq 11 tona və 9,06 tona çatıb.