Azərbaycan Misirdən çiyələk idxalını bərpa edib

Bu ilin I rübündə Azərbaycan 18,4 min ABŞ dolları dəyərində 5,4 ton çiyələk və bağ çiyələyi (təzə) idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrünün göstəricisindən dəyər ifadəsində 15 %, kəmiyyət olaraq – 37 % azdır.

Azərbaycan Misirdən 10 min ABŞ dolları dəyərində 2 ton, Türkiyədən 6,5 min ABŞ dolları dəyərində (bir il əvvəlki göstəricidən 67 % az) 2,6 ton (-67 %) və İrandan 1,9 min ABŞ dolları dəyərində (+34 %) 0,7 ton (+45 %) məhsul alıb.

Azərbaycan 7 ilin tamamında Misirdən çiyələk tədarükünü bərpa edib.

2024-cü ildə Azərbaycana idxal edilmiş 24,5 ton çiyələyin 94,7 %-i Türkiyənin payına düşüb.