Azərbaycan Malayziyaya vafli ixrac etməyə başlayıb

Bu ilin yanvar-iyun aylarında Azərbaycan xarici ölkələrdən 8,88 milyon ABŞ dolları dəyərində 2 min 601 ton vafli və vafli həbləri idxal edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 55 %, kəmiyyət olaraq – 21 % çoxdur.

Azərbaycan Türkiyədən 3,2 milyon ABŞ dolları dəyərində (bir il əvvəlki göstəricidən 87 % çoxdur) 659 ton (+45 %), Rusiyadan 2 milyon ABŞ dolları dəyərində (-34 %) 953 ton (-29 %), Bolqarıstandan 1,14 milyon ABŞ dolları dəyərində (+3,5 dəfə) 278 ton (+2,8 dəfə), Almaniyadan 972 min ABŞ dolları dəyərində (+26 dəfə) 200 ton (+50 dəfə), Ukraynadan 644 min ABŞ dolları dəyərində (+4,6 dəfə) 209 ton (+3,9 dəfə) məhsul alıb.

Hesabat dövründə Azərbaycandan 2,2 milyon ABŞ dolları dəyərində (+68 %) 913 ton (+49 %) vafli ixrac edilib.

Azərbaycan Yəmənə 1,3 milyon ABŞ dolları dəyərində (+2 dəfə) 490 ton (+90 %), Gürcüstana 723 min ABŞ dolları dəyərində (+97 %) 348 ton (+54 %), Türkiyəyə 27,5 min ABŞ dolları dəyərində 12,25 ton (bir il əvvəl tədarük olmayıb), Türkmənistana 23,4 min ABŞ dolları dəyərində (+7,8 dəfə) 11,75 ton (+7 dəfə), İrana 19,93 min ABŞ dolları dəyərində (-0,3 %) 9,3 ton (-5,1 %) məhsul satıb.

Bu il son 12 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Malayziyaya (5,2 min ABŞ dolları dəyərində 1,52 ton) tədarük həyata keçirilib.