Azərbaycan Macarıstandan kirəmit tədarük etməyə başlayıb

Ötən il Azərbaycan 1,03 milyon ABŞ dolları dəyərində 998 min ədəd kirəmit (damüstü materiallar) idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2023-cü ilin göstəricisindən dəyər ifadəsində 18 %, kəmiyyət olaraq – 19 % azdır.

Hesabat dövründə Azərbaycan Türkiyədən 864 min ABŞ dolları dəyərində (bir il əvvəlki göstəricidən 30 % azdır) 906 min ədəd (-25 %), Macarıstandan 61 min ABŞ dolları dəyərində 17,7 min ədəd, İspaniyadan 44,4 min ABŞ dolları dəyərində (+2,6 dəfə) 23,7 min ədəd (+4 dəfə), Almaniyadan 38,3 min ABŞ dolları dəyərində 12,8 min ədəd (1 il 11 aydan sonra alış bərpa edilib), İrandan 14,6 min ABŞ dolları dəyərində (+2,4 dəfə) 36,5 min ədəd (+2,4 dəfə) kirəmit alıb.

Ötən il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Macarıstandan tədarük həyata keçirilib.