Azərbaycan Latviya və Macarıstandan mikrofon tədarükünü bərpa edib

Bu ilin yanvar-iyun aylarında Azərbaycan 605 min ABŞ dolları dəyərində 32 234 ədəd mikrofon və onlar üçün altlıq idxal edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilin eyni dövrünün göstəricisindən dəyər ifadəsində 18 %, kəmiyyət olaraq – 54 % azdır.

Hesabat dövründə Azərbaycan Çindən 346 min ABŞ dolları dəyərində (bir il əvvəlki göstəricidən 27 % azdır) 31 422 ədəd (-55 %), Almaniyadan 71,44 min ABŞ dolları dəyərində (+3 %) 298 ədəd (+39 %), Rumıniyadan 60 min ABŞ dolları dəyərində (+40 %) 117 ədəd (+10 %), Amerika Birləşmiş Ştatlarından 38,81 min ABŞ dolları dəyərində (+2,3 dəfə) 49 ədəd (-26 %), Meksikadan 19 min ABŞ dolları dəyərində (-3 %) 82 ədəd (-38 %) məhsul alıb.

Azərbaycan 4 il 11 aylıq fasilənin ardından Latviyadan (7 min ABŞ dolları dəyərində 3 ədəd), 2 il 8 aylıq aradan sonra Macarıstandan (3,4 min ABŞ dolları dəyərində 24 ədəd) tədarükü bərpa edib.