Azərbaycan kakao idxalına çəkdiyi xərci 20 %-dən çox artırıb

Bu ilin yanvar-noyabr aylarında Azərbaycan 80,937 milyon ABŞ dolları dəyərində kakao və ondan hazırlanan məhsullar idxal edib.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 14,205 milyon ABŞ dolları (21,3 %) çoxdur.

Onbir ay ərzində Azərbaycanın kakao və ondan hazırlanan məhsullar ixracının dəyəri isə 4,57 milyon ABŞ dolları olub ki, bu da 1 il əvvələ nisbətən 1,173 milyon ABŞ dolları (34,5 %) çoxdur.

Hesabat dövründə kakao və ondan hazırlanan məhsullar üzrə idxal Azərbaycanın ümumi idxalının 0,78 %-ni, ixrac isə ümumi ixracın 0,02 %-ni təşkil edib.