Azərbaycan İtaliyadan ispanaq tədarük etməyə başlayıb

2023-cü ildə Azərbaycan 439 min ABŞ dolları dəyərində 593 ton ispanaq idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 21 %, kəmiyyət olaraq – 43 % çoxdur.

Hesabat dövründə Azərbaycan Rusiyadan 435,2 min ABŞ dolları dəyərində (bir il əvvəlki göstəricidən 21 % çoxdur) 583,85 ton (+44 %), Ukraynadan 3,5 min ABŞ dolları dəyərində (-6 %) 8,8 ton (-5 %) və İtaliyadan 0,5 min ABŞ dolları dəyərində 0,05 ton ispanaq alıb.

Ötən il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq İtaliyadan tədarük həyata keçirilib.