Azərbaycan İrlandiyadan rezin boru və şlanq idxalını bərpa edib

Ötən ilin yanvar-noyabr aylarında Azərbaycana 12,11 milyon ABŞ dolları dəyərində 2 min ton rezindən boru və şlanq idxal edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 14 %, kəmiyyət olaraq – 26 % çoxdur.

Hesabat dövründə Azərbaycan Çindən 2,15 milyon ABŞ dolları dəyərində (bir il əvvəlki göstəricidən 10 % çoxdur) 612 ton (+29 %), Rusiyadan 2,12 milyon ABŞ dolları dəyərində (+5 %) 792 ton (-73 %), Böyük Britaniyadan 2 milyon ABŞ dolları dəyərində (+88 %) 39 ton (+26 %), Türkiyədən 1,4 milyon ABŞ dolları dəyərində (-17 %) 166 ton (-21 %), Amerika Birləşmiş Ştatlarından (ABŞ) 742 min ABŞ dolları dəyərində (-17 %) 13 ton (-7 %) məhsul alıb.

Azərbaycan 2 il 8 aylıq fasilənin ardından İrlandiyadan (30 min ABŞ dolları dəyərində 1,83 ton) tədarükü bərpa edib.