Azərbaycan içki ixracından gəlirini 3 dəfə artırıb

Bu ilin yanvar-noyabr aylarında Azərbaycan 56,8 milyon ABŞ dolları dəyərində spirtli və spirtsiz içkilər, eləcə də sirkə ixrac edib.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 34 milyon ABŞ dolları yaxud 2,5 dəfə çoxdur.

11 ay ərzində Azərbaycanın içki və sirkə idxalının dəyəri isə 87 milyon ABŞ dolları olub ki, bu da 1 il əvvələ nisbətən 10,2 milyon ABŞ dolları və yaxud 13,3 % çoxdur.

Hesabat dövründə içki və sirkə üzrə ixrac Azərbaycanın ümumi ixracının 0,2 %-ni, idxal isə ümumi idxalın 0,55 %-ni təşkil edib.