Azərbaycan I rübdə Türkiyədən 27 milyon dollarlıq metal alıb

Bu ilin yanvar-mart aylarında Azərbaycan Türkiyədən 27,45 milyon ABŞ dolları dəyərində qara və əlvan metal idxal edib.

“Report” “Anadolu” Agentliyinə istinadən xəbər verir ki, bu barədə Türkiyə İxracatçılar Məclisi (TİM) məlumat yayıb.

Məlumata görə, bu, ötən ilin eyni dövrü ilə müqayisədə 22,8 % çoxdur.

Təkcə bu ilin mart ayında isə Türkiyə Azərbaycana 9,6 milyon ABŞ dollarlıq metal ixrac edib ki, bu da 1 il əvvələ nisbətən 8,8 % çoxdur.

Türkiyənin metal ixracının dəyəri 2022-ci ilin I rübündə 3 milyard 811 milyon ABŞ dolları (48,2 % çox), ötən ay isə 1 milyard 447 milyon ABŞ dolları (47,8 % çox) təşkil edib.