Azərbaycan İraqa ixrac missiyası təşkil edəcək

Bakı. 18 yanvar. REPORT.AZ/ Azərbaycan bu il martın 2-6-da İraqın Ərbil şəhərinə 2019-cu ilin II ixrac missiyasını təşkil edəcək. 

"Report"un məlumatına görə, artıq İqtisadiyyat Nazirliyi yanında Azərbaycanda İxracın və İnvestisiyaların Təşviqi Fondu (AZPROMO) missiyada iştirak üçün sənəd qəbulu elan edib. 

Qida məhsulları, inşaat, tekstil və internet texnologiyaları məhsullarının istehsalı və xidməti ilə məşğul olan sahibkarlar Fonda müraciət edə bilərlər. 

İxracatçılar müsabiqə əsasında seçiləcək. Müsabiqənin təşkilatçısı AZPROMO-dur.