Azərbaycan Haiti və İordaniyadan çilçıraq idxal etməyə başlayıb

2023-cü ildə Azərbaycan 32,4 milyon ABŞ dolları dəyərində 5 min 238 ton çilçıraq idxal edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 33 %, kəmiyyət olaraq – 48 % çoxdur.

Hesabat dövründə Azərbaycan Çindən 21,9 milyon ABŞ dolları dəyərində (bir il əvvəlki göstəricidən 66 % çoxdur) 4 min 810 ton (+58 %), Türkiyədən 5,2 milyon ABŞ dolları dəyərində (+29 %) 245 ton (-4 %), İtaliyadan 2,45 milyon ABŞ dolları dəyərində (+36 %) 88 ton (+9 %), İspaniyadan 634 min ABŞ dolları dəyərində (+2,3 dəfə) 7,54 ton (-25 %), Çexiyadan 475 min ABŞ dolları dəyərində (+9,4 %) 5,91 ton (+24 %) çilçıraq alıb.

Ötən il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Haitidən (7,45 min ABŞ dolları dəyərində 0,03 ton) və İordaniyadan (8,8 min ABŞ dolları dəyərində 0,5 ton) tədarük həyata keçirilib.