Azərbaycan Gürcüstandan yük maşını və traktor idxalını azaldıb

Bu ilin yanvar-oktyabr aylarında Azərbaycan Gürcüstandan 7,8 milyon ABŞ dolları dəyərində 1 195 ədəd yük maşını idxal edib.

Bu barədə “Report”un Gürcüstan bürosuna ölkənin Milli Statistika İdarəsindən bildirilib.

Məlumata görə, idxal olunmuş nəqliyyat vasitələrinin sayı ötən ilin eyni dövrü ilə müqayisədə 27 ədəd azdır.

10 ay ərzində Azərbaycan Gürcüstandan ümumi dəyəri 761,35 min ABŞ dolları olan 53 ədəd traktor da idxal edib ki, bu da illik müqayisədə 2,8 dəfə azdır.