Azərbaycan Gürcüstandan mal-qara idxalını artırıb

Bu ilin yanvar-sentyabr aylarında Azərbaycan Gürcüstandan 13,6 milyon ABŞ dolları dəyərində 5 500 ton diri iribuynuzlu mal-qara tədarük edib.

“Report”un yerli bürosuna xəbər verir ki, bu barədə Gürcüstanın Milli Statistika İdarəsindən bildirilib.

İllik müqayisədə məhsulun həcmi 1,9 dəfə artıb.

Hesabat dövründə Azərbaycan qonşu ölkədən 1,535 ton diri qoyun və keçi də idxal edib. Məhsulun ümumi dəyəri 4,6 milyon dollara bərabər olub.