Azərbaycan Gürcüstana gil tədarükünü bərpa edib

Ötən ilin ilk 10 ayında Azərbaycandan 11,6 milyon ABŞ dolları dəyərində 141 min ton gil (bentonit) ixrac edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 4,6 % çoxdur, kəmiyyət olaraq – 1 % azdır.

Hesabat dövründə Azərbaycan Rusiyaya 9,1 milyon ABŞ dolları dəyərində (bir il əvvəlki göstəricidən 8 % çoxdur) 123 min 697 ton (+1 %), Yaponiyaya 1,6 milyon ABŞ dolları dəyərində (+40 %) 5 min 952 ton (+33 %), Belarusa 609 min ABŞ dolları dəyərində (-28 %) 3 min 416 ton (-28 %), Polşaya 299,5 min ABŞ dolları dəyərində (-47 %) 6 min 438 ton (-19 %), Almaniyaya 68,3 min ABŞ dolları dəyərində (+3 dəfə) 1 min 511 ton (+3 dəfə) məhsul satıb.

Azərbaycan 2 il 5 aylıq fasilənin ardından Gürcüstana (1,71 min ABŞ dolları dəyərində 18 ton) gil tədarükünü bərpa edib.