Azərbaycan Gürcüstan məhsullarının idxalını 63 % artırıb

Bu ilin yanvar ayında Gürcüstandan Azərbaycana 6,3 milyon ABŞ dolları dəyərində yerli məhsul ixrac olunub.

“Report”un Gürcüstan bürosu xəbər verir ki, bu barədə ölkənin Milli Statistika İdarəsinin hesabatında bildirilir.

Sənədə əsasən, ixracın həcmi illik müqayisədə 62,7 % artıb. Azərbaycan Gürcüstanın yerli məhsul ixracında 3,8 % payla qonşu ölkədə istehsal olunan məhsulların 10 əsas idxalçısı arasında VII yeri tutub.

Ötən ay Gürcüstan yerli məhsullardan xarici ölkələrə ən çox mis filizləri və konsentratları, ferroərintilər, təbii, mineral və qazlı sular, təzə üzüm şərabı, fındıq, azot gübrələr, spirtli içkilər, trikotaj köynəklər və digər məhsullar ixrac edib.