Azərbaycan gürcü şərabının idxalını kəskin azaldıb

Bu ilin I yarısında Azərbaycan Gürcüstandan 245,84 min ABŞ dolları dəyərində 64,264 litr təbii üzüm şərabı idxal edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Məlumata əsasən, məhsulun həcmində ötən ilin eyni dövrü ilə müqayisədə 1,6 dəfə azalma qeydə alınıb.

Hesabat dövründə Azərbaycan qonşu ölkədən ümumi dəyəri 109,67 min ABŞ dolları olan 115,784 litr pivə də tədarük edib ki, bu da ötən ilin eyni göstəricisindən 2,1 dəfə azdır.