Azərbaycan əczaçılıq məhsullarının idxalına çəkdiyi xərci 32 %-dək artırıb

Bu ilin yanvar-may aylarında Azərbaycan 263,049 milyon ABŞ dolları dəyərində əczaçılıq məhsulları idxal edib.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 31,7 % çoxdur.

Hesabat dövründə Azərbaycanın əczaçılıq məhsulları ixracının dəyəri 1,486 milyon ABŞ dolları olub. Bu isə 1 il əvvələ nisbətən 2,8 dəfə çoxdur.

5 ayda əczaçılıq məhsulları üzrə idxal xərcləri Azərbaycanın ümumi idxalında payı 5,12 % təşkil edib, ixrac gəlirləri isə ümumi ixrac gəlirlərinin 0,01 %-ni təşkil edib.