Azərbaycan daha iki ölkəyə suxarı tədarük etməyə başlayıb

2023-cü ildə Azərbaycan 393 min ABŞ dolları dəyərində 145 ton suxarı ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 3,4 %, kəmiyyət olaraq – 8 % çoxdur.

Hesabat dövründə Azərbaycan Belarusa 142 min ABŞ dolları dəyərində (bir il əvvəlki göstəricidən 33 % çoxdur) 55,4 ton (+38 %), Moldovaya 141 min ABŞ dolları dəyərində (+27 %) 49,5 ton (+32 %), Qazaxıstana 62,58 min ABŞ dolları dəyərində (+5 %) 19,8 ton (-13 %), Gürcüstana 35,4 min ABŞ dolları dəyərində (-59 %) 17,67 ton (-38 %), Rusiyaya 11,2 min ABŞ dolları dəyərində (+1 100 dəfə) 2,8 ton (+276 dəfə) məhsul satıb.

Ötən il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Birləşmiş Ərəb Əmirlikləri (0,02 min ABŞ dolları dəyərində 0,01 ton) və Qətərə (0,05 min ABŞ dolları dəyərində 0,01 ton) tədarük həyata keçirilib.