Azərbaycan Çuvaşıstandan 826 ton toxumluq kartof alıb

Bu il Azərbaycan Rusiyanın Çuvaşıstan bölgəsindən 826 ton toxumluq kartof idxal edib.

"Report" bu barədə Rusiyanın Baytarlıq və Fitosanitar Nəzarət üzrə Federal Xidmətinə ("Rosselxoznadzor") istinadən xəbər verir.

Məlumata görə, həmçinin bölgədən Serbiya, Qazaxıstan, Moldova və Azərbaycana 1,8 min ton ərzaqlıq kartof ixrac edilib.

Ümumilikdə bu il Çuvaşıtandan ixrac edilən məhsulların 67 %-i taxıl məhsullarının, 18 %-i kartofun, 10,5 %-i soğanın payına düşüb.

“2024-cü ildə kartof ixracının həcmində əhəmiyyətli artım və idxalçı ölkələrin coğrafiyasının genişlənməsi müşahidə olunacaq.”- "Rosselxoznadzor"dan qeyd edilib.