Azərbaycan bu il Türkiyədən zərgərlik məmulatlarının idxalına xərclərini 3 dəfə artırıb

Bu ilin yanvar-aprel aylarında Azərbaycan Türkiyədən 2,979 milyon ABŞ dolları dəyərində zərgərlik məmulatları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) statistik məlumatlarında qeyd olunub.

Bu, ötən ilin eyni dövrü ilə müqayisədə 2,9 dəfə çoxdur.

Təkcə bu ilin aprel ayında isə Türkiyə Azərbaycana 2,306 milyon ABŞ dollarlıq zərgərlik məmulatları ixrac edib ki, bu da, illik müqayisədə 3,1 dəfə çoxdur.

Bu ilin ilk 4 ayında Türkiyənin ümumi zərgərlik məmulatları ixracının dəyəri illik müqayisədə 30,5 % artaraq 1,813 milyard ABŞ dollarına, aprel ayında isə bu məhsulların ixracının dəyəri 30,7 % artaraq 530,755 milyon ABŞ dollarına çatıb.