Azərbaycan bu il Türkiyədən polad tədarükünü 24 % artırıb

Bu ilin yanvar-may aylarında Azərbaycan Türkiyədən 48,25 milyon ABŞ dolları dəyərində polad idxal edib.

“Report” xəbər verir ki, bu barədə Türkiyə İxracatçılar Məclisinin (TİM) statistik məlumatlarında qeyd olunub.

Bu, ötən ilin eyni dövrü ilə müqayisədə 24,3 % çoxdur.

Təkcə bu ilin may ayında isə Türkiyə Azərbaycana 10,289 milyon ABŞ dollarlıq polad ixrac edib ki, bu da, illik müqayisədə 34,3 % çoxdur.

Bu ilin ilk 5 ayında Türkiyənin ümumi polad ixracının dəyəri illik müqayisədə 34,6 % artaraq 9,615 milyard ABŞ dollarına, may ayında isə polad ixracının dəyəri 11 % artaraq 1,917 milyard ABŞ dollarına çatıb.