Azərbaycan bu il Türkiyədən gəmi və yaxta idxalını 9 dəfə artırıb

Bu ilin yanvar-aprel aylarında Azərbaycan Türkiyədən 540 min ABŞ dolları dəyərində gəmi, yaxta və xidmətləri idxal edib.

“Report” xəbər verir ki, bu barədə Türkiyə İxracatçılar Məclisinin (TİM) statistik məlumatlarında qeyd olunub.

Bu, ötən ilin eyni dövrü ilə müqayisədə 9,3 dəfə çoxdur.

Təkcə bu ilin aprel ayında isə Türkiyə Azərbaycana 46 min ABŞ dollarlıq gəmi, yaxta və xidmətləri ixrac edib ki, bu da, illik müqayisədə 6,6 dəfə çoxdur.

Bu ilin ilk 4 ayında Türkiyənin ümumi gəmi, yaxta və xidmətləri üzrə ixracın dəyəri illik müqayisədə 48,6 % artaraq 476,962 milyon ABŞ dollara, aprel ayında isə bunların ixracı 80,9 % azalaraq 198,884 milyon ABŞ dollarına çatıb.