Azərbaycan bu il Türkiyədən fındıq idxalına çəkdiyi xərci 85 % azaldıb

Bu ilin yanvar-aprel aylarında Azərbaycan Türkiyədən 53 min ABŞ dolları dəyərində fındıq idxal edib.

“Report” xəbər verir ki, bu barədə Türkiyə İxracatçılar Məclisinin (TİM) statistik məlumatlarında qeyd olunub.

Bu, ötən ilin eyni dövrü ilə müqayisədə 85,3 % azdır.

Təkcə bu ilin aprel ayında isə Türkiyə Azərbaycana 23 min ABŞ dollarlıq fındıq ixrac edib ki, bu da, illik müqayisədə 11,3 dəfə çoxdur.

Bu ilin ilk 4 ayında Türkiyənin ümumi fındıq ixracının dəyəri illik müqayisədə 15,7 % azalaraq 624,526 milyon ABŞ dollara, aprel ayında isə bu məhsulun ixracının dəyəri 23,5 % azalaraq 126,825 milyon ABŞ dollarına çatıb.