Azərbaycan bu il Türkiyədən 27 milyon dollarlıq tekstil idxal edib

Bu ilin yanvar-avqust aylarında Azərbaycan Türkiyədən 27,784 milyon ABŞ dolları dəyərində tekstil və xammal idxal edib.

“Report” xəbər verir ki, bu barədə Türkiyə İxracatçılar Məclisisin (TİM) hesabatında deyilir.

Məlumata görə, bu, ötən ilin eyni dövrü ilə müqayisədə 26,7 % çoxdur.

Təkcə bu ilin avqust ayında isə Türkiyə Azərbaycana 4,549 milyon ABŞ dollarlıq dəyərində tekstil və xammal ixrac edib ki, bu da, illik müqayisədə 79,7 % çoxdur.

Bu ilin ilk 8 ayında Türkiyənin ümumi dəyərində tekstil və xammal ixracının dəyəri illik müqayisədə 8,4 % artaraq 6,954 milyard ABŞ dollarına, avqust ayında isə 1,1 % artaraq 0,837 milyard ABŞ dollarına çatıb.