Azərbaycan bu il Stavropola 553 ton kələm ixrac edib

Bu il Azərbaycandan Rusiyanın Stavropol vilayətinə 553 ton təzə kələm ixrac edilib.

"Report" bu barədə Rusiyanın Baytarlıq və Fitosanitar Nəzarət üzrə Federal Xidmətinə ("Rosselxoznadzor") istinadən xəbər verir.

Məlumata görə, il ərzində "Rosselxoznadzor"un Şimali Qafqaz Regionlararası İdarəsi vilayətə gətirilən ümumilikdə 2 780 ton təzə kələmə nəzarət edib ki, bunun da, 19,9 %-i Azərbaycanın payına düşüb.

Hesabat dövründə bölgənin əsas kələm tədarükçüsü İran (2 149 ton) olub. Məhsulların qalan hissəsi Ermənistandan (43 ton) və Türkiyədən (10,5 ton) alınıb.

İdxal edilən kələmin satışına icazə verilməzdən əvvəl laboratoriyalarda yoxlanılıb.