Azərbaycan bu il Ryazandan 540 ton torf alıb

Bu ilin əvvəlindən Azərbaycan Rusiyanın Ryazan vilayətindən 540 ton torf və torflu torpaq idxal edib.

"Report" bu barədə Rusiyanın Baytarlıq və Fitosanitar Nəzarət üzrə Federal Xidmətinə ("Rosselxoznadzor") istinadən xəbər verir.

Məlumata görə, il ərzində Ryazandan ümumilikdə 6 min ton torf və torflu torpaq ixrac edilib.

Hesabat dövründə torfun əsas alıcıları Qazaxıstan (2,7 min ton; ümumi ixracda 45,1 % pay), Qırğızıstan (1,05 min ton; 17,5 % pay), Özbəksitan (1,05 min ton; 17,5 % pay), Belarus (600 ton; 10 % pay) və Azərbaycan (9 % pay) olub.

İxrac edilən məhsullar idxalçı ölkələrin bütün tələblərinə cavab verib. Onlara fitosanitar sertifikatlar verib.