Azərbaycan avqustda Ukraynadan təqribən 8 min ton şəkər idxal edib

Bakı. 7 sentyabr. REPORT.AZ/ Azərbaycan cari ilin avqust ayı ərzində Ukraynadan 7,8 min ton şəkər idxal edib.

"Report" xəbər verir ki, bu barədə Ukrayna Şəkər İstehsalçıları Milli Assosiasiyasının ("Ukrtsukor") mətbuat xidmətinin məlumatında bildirilir.

Ukrayna avqustda ümumilikdə 18,3 min ton şəkər ixrac edib.

Məlumata görə, əsas tədarüklər Azərbaycan, Türkiyə (5,2 min ton), Gürcüstan (2,5) və Moldovaya (1,4) həyata keçirilib.