Azərbaycan ABŞ-yə cilalanmış şüşə ixrac etməyə başlayıb

Bu ilin yanvar ayında Azərbaycan 1,2 milyon ABŞ dolları dəyərində 397 min kvadratmetr cilalanmış şüşə ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2023-cü ilin eyni dövrünün göstəricisindən dəyər ifadəsində 60 %, kəmiyyət olaraq – 2,3 dəfə çoxdur.

Hesabat dövründə Azərbaycan Türkiyəyə 886,5 min ABŞ dolları dəyərində (1 il əvvəlki göstəricidən 2,2 dəfə çoxdur) 316,7 min kvadratmetr (+3,3 dəfə), Ukraynaya 209,9 min ABŞ dolları dəyərində (+23 %) 63,35 min kvadratmetr (+62 %), Amerika Birləşmiş Ştatlarına (ABŞ) 41,3 min ABŞ dolları dəyərində 5 min kvadratmetr, Gürcüstana 34,15 min ABŞ dolları dəyərində (+5 dəfə) 7,7 min kvadratmetr (+5,4 dəfə) və Rusiyaya 18,1 min ABŞ dolları dəyərində 4 min kvadratmetr (bir il əvvəl tədarük olmayıb) məhsul satıb.

Bu il il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq ABŞ-yə tədarük həyata keçirilib.