Azərbaycan 8 ayda Permdən 196 min kubmetr taxta idxal edib

Rusiyanın Baytarlıq və Fitosanitar Nəzarət üzrə Federal Xidmətinin ("Rosselxoznadzor") Perm diyarı üzr idarəsi, bu ilin yanvar-avqust aylarında bölgədən Azərbaycana ixrac edilmiş 195,7 min kubmetr taxtaya nəzarət edib.

"Report" bu barədə "Rosselxoznadzor"a istinadən xəbər verir.

Məlumata görə, ixrac olunan əsas məhsullar yumşaq və sərt taxta, eləcə də taxta qablaşdırma materialları olub.

İxrac edilən hər bir partiya Azərbaycanın fitosanitar tələblərinə cavab verib, ağac məmulatlarına 1 925 fitosanitar sertifikat verilib.